يا مقراط بابشرك اذا أبين مامعاها خراج ( قصيدة)

(عدن توداي)

كلمات الشاعر / عبدالكريم الطلي ابو ليل الدياني

بسم الله الرحمن الرحيم

هذه القصيدة من الشاعر ابوليل الدياني عبدالكريم الطلي،
مرسلة الى الصحفي والاعلامي مقراط

يا مقراط بابشرك اذا ابين مامعاها خراج

في ذي المرحلة لا عدن باترجع تلصي السراج

وترجع كل شي بقعته وتسمح لدي به عواج

ومن دي اتولى عليها عدن باتفسخ لعقد الزواج

وهل امكذب وهل امحيل ودي قال انه مصلي وحاج

وهو ماحد رعه يأمنه خاين باع كل امنعاج

ويوكل هوه من خيرهن وبيعهن بسوق لحراج

لول مشتري جالهن بسلعة بخس بيعة رواج

وهو يكذب على اصحابهن ويصلح في الكلام ازدواج

وكلن هو بدل نعجته له قد جاب حبه دجاج

والباقي معه يوخذه هو واهله واصحاب المزاج

وهل امفيد دي تتبعه ولا فلس تسوي انزلاج

ويتغنوا بذاك الكلام لا وحدة ولا اندماج

وبدون يدرون يعودوا لها ولا قدم احد احتجاج

وابين بايجي دوره ولمعقده يقع انفراج

هذا العام او دي قفاه وماشي عذر يعمد لباج

لاما امهيج شوفه يحط وتدعس فوق راس المناج

دي باعو عدن برخيص ويكمل كل ذاك امعفاج

يا مقراط بابشرك وتظهر في الاخير النتاج

ومن ناجح ومن دي فشل وابين فوق عالراس تاج

الشاعر ابو ليل الدياني
عبدالكريم الطلي،
ابين دثينة
738269215